Mjeke pediatre
Infeksionet e veshit të mesëm tek fëmijët janë shumë të shpeshta në moshën pediatrike. Ato lidhen edhe me motin e ftohtë. Shkaktohen nga viruse ose baktere, myk etj.
Ato shpesh rezultojnë nga një bllokim i tubave të Eustakit, gjë që shkakton grumbullimin e sekrecioneve në veshin e mesëm.
Tubi i Eustakit është kanali që lidh veshin me pjesën e pasme të hundës dhe fytit.
Shkaqet e bllokimit të tubit të Eustakit përfshijnë:
- alergjitë
- ftohjet stinore
- infeksionet e sinuseve
- ndryshimet në presionin e ajrit ( udhëtimi me avion)
Rreth 80 përqind e fëmijëve zhvillojnë një infeksion akut të veshit. Më të predispozuar janë ato që vuajnë me “mish të huaj në hundë” (Adenoidet)
Shenjat:
????dhimbje në vesh,
???? dhimbje koke e papërcaktuar mirë.
????Temperatura është normale ose e lartë.
????Hundët e zëna, ndonjëherë gjëndrra limfatike rreth qafës
Faktorët predispozues:
Ekspozimi ndaj virozave, motit të ftohtë, tymit të cigares.
Nëse nuk mjekohen ato sjellin komplikacione me prekje të veshit të brendshëm, çarje të membranës së timpanit ose infeksion i kockës prapa veshit (Mastoiditis), Meningitis
Këshilla!
Mbani në shtëpi solucione fiziologjik në hundë.
Përdoreni të sa herë që fëmija ankon dhimbje veshi.
E rëndësishme jepi shurup ibuprofen ose paracetamol. Edhe nëse temperatura është normale, qetëson dhimbjen e veshit.
- Nxirrini fëmijët në ajër të pastër, në parqe, lulishte, por mos harroni t’i vendosni një kapuç në kokë.
- Përdorni vazhdimisht ujë fiziologjik në hundë (lavazh) për të penguar kalimin e mikrobeve nga hunda tek veshi i mesëm.
Profilaksia
Mënyra më e mirë
- vaksinimi ndaj pneumokokut,
- vaksinimi ndaj gripit,
- higjena personale ( sidomos pastrimi i hundëve).
