Në Twitter, ai njoftoi se ai dhe gruaja e tij Melania kishin filluar një proces të vetë-izolimit pasi u zbulua se këshilltarja e tij, Hope Hicks, ishte testuar pozitivisht. Por dhe ata njëherësh janë infektuar.
“Ne do ta kalojmë këtë së bashku”, tha Trump në Twitter.
Hoppe Hicks është e pranishme shumë brenda administratës dhe është në kontakt të shpeshtë me Trump, i cili, së bashku me gruan e tij, është testuar.
Hope Hicks udhëtoi me Presidentin Trump me helikopter presidencial në Cleveland të hënën për një debat që ai kishte të martën me kandidatin demokrat për president Joe Biden. Ajo ishte gjithashtu ishte në një aeroplan me Trump të mërkurën, në një udhëtim në Minesota, ku Trump kishte një tubim elektoral, së bashku me Jared Kushner, këshilltarin dhe dhëndrin e presidentit dhe disa këshilltarë të tjerë të lartë të Shtëpisë së Bardhë. Fotot tregojnë se as ajo dhe as të tjerët nga shoqëruesit e Trump nuk kishin maska mbrojtëse.
Qendra për Kontrollin e Sëmundjeve Infektive rekomandon që të gjithë ata që testuan pozitivisht të fillojnë vetë-izolimin menjëherë, të ndjekin simptomat dhe të mbajnë maska për njerëzit e tjerë.
Rrezikimi i sigurisë kombëtare
Presidenti Trump ka konfirmuar që Hicks është pozitiv, në një bisedën telefonike të mbrëmshme me mikun e tij më të madh në media nga Fox Neës, Sean Hannity.
Eshtë gjithashtu interesante që zëdhënësit e Shtëpisë së Bardhë nuk u thanë asgjë gazetarëve dje, megjithëse qytetarët amerikanë duhet të informohen për atë që po ndodh me presidentin.
Hope Hicks nuk është personi i parë nga shoqërimi i presidentit që infektohet me virusin koronar. Shumë anëtarë të shërbimit sekret dhe disa zyrtarë të Shtëpisë së Bardhë kanë rezultuar pozitivë.
Eshtë e njohur se Presidenti Trump nuk mbështet mbajtjen e maskave mbrojtëse dhe një kulturë e tillë është përhapur në stafin e Shtëpisë së Bardhë. Sigurisht, presidenti ka kujdesin më të mirë të mundshëm shëndetësor, por shumë nga këshilltarët dhe bashkëpunëtorët e tij më të afërt kanë qenë në kontakt të drejtpërdrejtë me Hope Hicks, mes tyre një numër gazetarësh, të cilët shoqërojnë presidentin amerikan në udhëtimet e tij.
Meqenëse Presidenti Trump është pozitiv për virusin koronar, ai duhet të fillojë një proces që siguron që siguria kombëtare të mos kompromentohet nga sëmundja e Komandantit Suprem Ushtarak.
Stafi i fushatës së Biden-it u ka thënë gazetarëve, të cilët e kanë ndjekur Presidentin Trump gjatë ditëve të fundit, të mos vijnë në tubimet e tyre të planifikuara për nesër dhe gjatë fundjavës.
