Një mjeke neurologe ka rezultuar pozitive me Covid-19. Mjekja, që punon në Berat, mësohet se është infektuar nga bashkëshorti i saj, që punon në spitalin Covid-2 në Tiranë dhe që është infektuar pesë ditë më parë.
Pas infektimit të mjekes neurologe, Drejtoria e Shëndetit Publik në Berat dhe Drejtoria e Higjenës kanë kryer dezinfektimin e ambjenteve të brendshme të spitalit dhe kanë mbyllur Repartin e Neurologjisë ku punonte mjekja, ndërkohë që janë karantinuar edhe dy mjekë dhe gjashtë infermierë të këtij reparti, që do ti nënshtrohen kryerjes së tamponit.
