Skip to content

Integrimi i të kthyerve nga lufta/ Veliaj: Në fokus strehimi dhe programet e posaçme për fëmijët

Ndajeni këtë artikull me të tjerë duke klikuar ikonat më poshtë

Të rikthyerit nga zonat e konfliktit po rehabilitohen dhe riintegrohen në shoqërinë shqiptare si çdo qytetar tjetër.

 

Sipas kryebashkiakut Veliaj në fokus është dhënia e asistencës direkte për gratë dhe fëmijët e ardhur, si dhe krijimi i programeve të posaçme për to.

ERION VELIAJKRYETAR I BASHKISE TIRANE

“Çfarë kombi jemi ne, në qoftë se mendojmë vetëm për zgjedhjet e ardhshme dhe jo për gjeneratën e ardhshme?! Ndaj, i kam bërë me shumë zell betejat për kënde lodrash, për çerdhe e kopshte, sepse sot kemi një infrastrukturë që u shërben edhe këtyre grupeve të margjinalizuara. Më vjen mirë që Bashkia e Tiranës është angazhuar në dhënien e asistencës direkte për gratë dhe fëmijët, që janë kthyer në këto zona të konfliktit. Kur vjen puna tek strehimi, është shumë kollaj të thuash që i shpëtuam, por pastaj me çfarë ushqehen, ku flenë, ku shkojnë në shkollë, ku arsimohen”.

 

Krahas ndihmës direkte për strehim dhe ushqim vëmendje i kushtohet edhe ndihmës psikologjike.

 

ERION VELIAJKRYETAR I BASHKISE TIRANE

“Më vjen mirë që Bashkia është përfshirë në dhënien e ndihmës psikologjike e psikiatrike për të rikthyerit. Trauma ka qenë e madhe kur kanë shkuar në ato konflikte, por edhe rikthimi në Europë dhe rikthimi në një Tiranë që gëlon, ku njerëzit, secili vrapon për karrierë e për sukses dhe nuk e ka mendjen shumë tek fqinji në nevojë, ky është një funksion që do të duhet ta kryejmë bashkë”.

 

Kryebashkiaku kërkoi bashkëpunimin dhe sensibilizimin e komunitetit për integrimin e personave të ardhur nga zonat e luftës, në mënyrë që këta të fundit të jetojnë me dinjitet dhe të bëjnë një jetë normale.

Ndajeni këtë artikull me të tjerë duke klikuar ikonat më poshtë