Ambasadorja e SHBA-në Tiranë, Yuri Kim ka vënë në dukje rritjen e shënuar gjatë vitit 2021 të investimeve amerikane në vend.
Përmes një postimi në “Twitter”, diplomatja amerikane shkruan se për të patur më shumë mundësi punësimi, duhet të vijojmë me zbatimin e reformës në drejtësi.
“Më vjen mirë të shoh se investimet në Shqipëri po vijnë në rritje. Rregulla racionale, të qarta, transparente + gjykata të pastra (d.m.th., mosmarrëveshjet e zgjidhura me ligj dhe jo ryshfet) do të tërheqin edhe më shumë. Le të vazhdojmë zbatimin e reformës në drejtësi që të ketë më shumë mundësi punësimi dhe prosperitet për më shumë njerëz”, shkruan Kim.
