Organi më i lartë gjyqësor i Irakut të dielën hodhi poshtë kërkesën e Qeverisë Rajonale Kurde (KRG) për të krijuar një gjykatë të autorizuar speciale për gjykimin e të dyshuarve të organizatës terroriste DEASH.
Ministri i Drejtësisë i KRG-së, Farsat Ahmad, në një deklaratë tha se administrata e Erbilit ka kërkuar krijimin e gjykatës për t’u marrë me krimet e kryera nga terroristët e DEASH-it, përfshirë vrasjet dhe torturat.
Teksa theksoi se kërkesa ishte refuzuar nga Gjykata Supreme Federale, Ahmedi nuk dha arsyen.
Ai theksoi se KRG është përpjekur të dokumentojë krimet e kryera nga terroristët e DEASH-it për dy vitet e fundit.
Ahmad shtoi se nuk është e mundur të kundërshtohet vendimi i gjykatës së lartë, por u zotua të kërkojë mundësi tjera për të shprehur pikëpamjet e tyre.
Më 28 prill, parlamenti i KRG-së miratoi një projektligj mbi krijimin e gjykatës speciale penale dhe pritej që ai të themelohej.
Terroristët e DEASH-it në muajt e fundit kanë përshkallëzuar sulmet e tyre, veçanërisht në zonën midis Kirkuk-ut, Salahuddin dhe Diyala, i njohur si “Trekëndëshi i Vdekjes”.
Në vitin 2017, Iraku deklaroi fitoren mbi DEASH-in duke rimarrë të gjitha territoret që grupi terrorist kontrolloi që nga vera e vitit 2014, e cila vlerësohej të ishte rreth një e treta e territorit të vendit.
Grupi, megjithatë, ende mban celula të heshtura në zona të mëdha në Irak dhe herë pas here fillon sulme sporadike.
