Korpusi elitar i Gardës Revolucionare të Iranit (IRGC) ka njoftuar se do të mbajë stërvitje në shkallë të gjerë në ujërat veriore dhe jugore të vendit në javët e ardhshme në mbështetje të Palestinës.
“Parada detare do të mbahet të enjten në bashkëpunim me disa porte anembanë botës”, tha komandanti i marinës së IRGC-së, Alireza Tangsiri.
Ai tha se qëllimi i një lëvizjeje të tillë është të tregojë vendosmërinë për të mbrojtur popullin e shtypur të Palestinës, për të mbështetur Intifadën e tyre dhe për të dënuar krimet e tmerrshme të “regjimit sionist”.
Parada do të mbahet në brigjet e Liqenit Kaspik në veri të Iranit dhe në Gjirin Persik në jug të Iranit me pjesëmarrjen e më shumë se 2.500 anijeve.
Parada u njoftua mes tensioneve të shtuara në Kudsin Lindor të pushtuar pas një sërë sulmesh nga forcat izraelite në kompleksin e Xhamisë Al-Aksa gjatë Ramazanit.
Shumë vende muslimane në mbarë botën dënuan ashpër sulmet izraelite dhe i bënë thirrje Tel Avivit të jetë i përmbajtur.
Tensionet midis Iranit dhe Izraelit janë përkeqësuar javët e fundit pasi sulmet ajrore izraelite në veri të Sirisë vranë dy këshilltarë ushtarakë të IRGC-së në fund të marsit.
Zyrtarët iranianë kanë njoftuar një përgjigje të vendosur dhe vendimtare ndaj vrasjeve.
Burimi: AA