Gent Strazimiri, që nuk u kandidua në zgjedhjet e 15 prillit për deputet nga ana e Lulzim Bashës, shprehet i revoltuar me këtë të fundit, se ka shitur Sali Berishën.
Sipas tij, nëse shitet Sali Berisha, atëhere mund të shitet çdo demokrat i thjesht.
Postimi i ish-deputetit me kobure:
Nuk ka një “çështje Berisha” në PD!
Ka një çështje ekzistenciale për PD dhe demokratët:
Qëndrimi ndaj njeriut të ndershëm, të shitur për interesa të ulta!
Sali Berisha është thjesht ilustrim i saj.
Nuk ka një “hall të Sali Berishës” në PD!
Ka një çështje ekzistenciale për PD dhe demokratët:
Qendrimi ndaj demokratit pa kompromis, të shitur për interesa të ulta!
Sali Berisha është thjesht ilustrim i saj.
– Nuk ka një “siklet Sali Berisha” në PD!
Ka një çështje ekzistenciale për PD dhe demokratët:
Qëndrimi ndaj pro-amerikanizmit historik, të papërsëritshëm, të palëkundur, të shitur për interesa të ulta, nga njerëz që vetëm pro-amerikanizmit nuk po i kontribuojnë.
Sali Berisha është thjesht ilustrim i saj!
– Nuk ka një “pengesë Sali Berisha” për të ardhmen e demokracisë në Shqipëri!
Ka një çështje ekzistenciale për PD dhe demokratët:
Qëndrimi ndaj “Ardian Dvoranit kampion demokracie” dhe eshtrave të martirëve të shitura për pazare të ulta.
Sali Berisha “minues demokracie” ështe thjesht ilustrim i saj!
Sali Berisha, nëse do kishte një “hall” a “siklet”, do ishte fshehur si të gjithë ata “memecë” që u bëjnë bisht kamerave, gazetarëve, madje edhe demokratëve e, që recitojnë vetëm tekstin që vjen me ëhatsapp…
Sali Berisha, si çdo njeri i ndershëm, demokrat i palëkundur, pro-amerikani “par excelence”, ka zgjedhur përballjen në rrugë gjyqësore, jo fshehjen e as retorikën politike…
Çështja ekzistenciale e PD është beteja jote demokrat i palëkundur, njeri i ndershëm, anti-komunist, pro-amerikan që në gen.
Sali Berisha është thjesht ilustrim i saj!
Kur guxojnë të shesin Sali Berishën, sa sekonda mendohen me të shit ty?
Kaq.
Qendro në këmbë demokrat, asnjë hap pas.
