Filemon Mulala, një ish-futbollist zambian, u gjet i vdekur në oborrin e shtëpisë së tij në Lichtenberg.
Mediat në Zambia po raportojnë deklaratat e policisë që konstatoi se Mulala fatkeq është kafshuar për vdekje nga tre qen që i mbante si kafshë shtëpiake.
Mulala u nderua dhe u varros, dhe ndërkohë Shoqata për Parandalimin e Mizorisë ndaj Kafshëve (SPCA) hoqi tre qen nga prona.
“Gruaja nuk kontrolloi se çfarë po ndodhte kur lehnin qentë sepse shtëpia e tyre është në një rrugë të frekuentuar dhe qentë shpesh lehin kalimtarët dhe automjetet. Pasi i shoqi ishte larguar për një kohë të gjatë, ajo shkoi ta kërkonte, por pa dobi. Pas një kërkimi të gjatë, ajo pa burrin e saj të shtrirë pa lëvizur jashtë në kopsht”, tha policia atje.
Mulala shënoi tre gola në tetë paraqitje për kombëtaren e Zambias në karrierën e tij.
Në atdheun e tij, ai luajti për Mufulira Wanderers, dhe në Afrikën e Jugut për klubet më të mëdha atje, Kaizer Chiefs dhe Cape Town Spurs.
