Ish-kampioni botëror i shahut, rusi Garry Kasparov tha se njerëzit që mbështetën apo injoruan Vladimir Putinin, duhet të kenë turp që krijuan një përbindësh.
Kasparov tashmë është një politikan dhe një kritik i madh i zëshëm i presidentit rus dhe ky ishte qëndrimi i tij për luftën Rusi-Ukrainë.
“Çdo dollar në tregtinë me Rusinë që kur pushtoi Ukrainën në vitin 2014, çdo euro marrëveshje korruptive me miqtë e tij, e ndihmoi Putinin të ndërtonte makinën e luftës që po përdor për të masakruar civilët në Evropë sot”, – shkroi ai në Twitter pas nisjes së operacionit ushtarak të Rusisë në. Ukrainë.
“Tani ju duhet të ndihmoni Ukrainën të luftojë kundër përbindëshit që keni vetë ndihmuar të krijohet,” – shtoi ai.
“Nuk ka kthim prapa në kohë, por shpresoj se ata që e injoruan, e nënvlerësuan dhe e qetësuan Putinin për kaq shumë kohë, do të ndihen të turpëruar sot. Të paktën të bëjmë gjithçka që është e mundur për ta ndaluar atë tani,” – vazhdoi ai.
Kasparov u largua nga Rusia në vitin 2014 sepse kishte frikë se mos persekutohej dhe tani banon në Kroaci.
Ai ishte shahisti më i madh nga viti 1984 deri në pensionimin e tij në 2005, duke qëndruar më shumë se dy dekada kampion bote dhe si në ndër lojtarët më të mirë të të gjitha kohërave.
