Ish-presidenti i Tunizisë: Vendi po udhëhiqet nga mbështetësit e diktaturës

Tunizi-Protesta.jpg

Ndajeni këtë artikull me të tjerë duke klikuar ikonat më poshtë

Ish -presidenti i Tunizisë, Moncerf Marzouki, tha se vendi i tij po qeveriset nga “armiqtë e Pranverës Arabe dhe të gjithë mbështetësit e diktaturës në botë”.

Moncef Marzouki publikoi ​​një deklaratë në faqen e tij në Facebook pasi mijëra tunizianë demonstruan në kryeqytetin Tunis të dielën kundër kapjes së pushtetit nga presidenti aktual i vendit, Kais Saied.

Duke akuzuar Saied-in për ndarjen e popullit tunizian, Marzouki tha se ai shpërfilli sovranitetin kombëtar, të cilin ata e kanë mbrojtur për një jetë të tërë.

Ai vlerësoi demonstratat e së dielës, duke i quajtur ato një “fitore të re kundër grushtit të shtetit”.

Ai vuri në dukje se trazirat shoqërore që do t’i japin fund kapjes së pushtetit nga Saied po bëhen më të forta nga dita në ditë.

Të dielën, demonstruesit u mblodhën në rrugën Hayreddin Pasha dhe marshuan drejt Bulevardit Habib Bourguiba pas thirrjeve të një lëvizjeje protestuese të njohur si “Qytetarët Kundër Grushtit të Shtetit”.

Më 25 korrik, Saied rrëzoi qeverinë, pezulloi parlamentin dhe mori autoritetin ekzekutiv. Ndërsa ai këmbëngul se “masat e tij të jashtëzakonshme” kanë për qëllim të “shpëtojnë” vendin, kritikët e akuzojnë atë për orkestrimin e një grushti shteti.

Shumica e partive në Tunizi kundërshtojnë marrjen e pushtetit nga Saied dhe disa madje e akuzojnë për orkestrimin e një grushti shteti kundër kushtetutës. Megjithatë, disa parti të tjera mendojnë se vendimet e Saied-it janë të sakta në dritën e krizave politike, ekonomike dhe shëndetësore me të cilat po përballet vendi i Afrikës së Veriut.

Tunizia është konsideruar si i vetmi vend që arriti të kryejë një tranzicion demokratik midis vendeve arabe, të cilat u përballën me revolucione popullore që rrëzuan regjimet në pushtet, përfshirë Egjiptin, Libinë dhe Jemenin.

Ndajeni këtë artikull me të tjerë duke klikuar ikonat më poshtë