Policia e Castelvetro e Modenës ditën e sotme ka vënë në pranga një shtetas me kombësi shqiptare, pas një urdhri për burgim të lëshuar nga Prokurori i Përgjithshëm në Gjykatën e Apelit të Bolonjës.
Ai kishte kërkuar katër vite burg për shqiptarin, emri i të cilit nuk është bërë i ditur.
Akumulimi i dënimit ka të bëjë me një seri vjedhjesh, që ka kryer shqiptari në zona të ndryshme, si:
–Correggio (RE) – vjedhja e një traktori me vlerë 40,000 euro,
–Bomporto (MO) – 1500 litra naftë, dy vetura, një motor, si dhe pajisje të ndryshme bujqësore, dy traktorë me një vlerë prej 250,000,
–Anzola Emilia (BO) – një automjet me markë BMW dhe dy traktorë
–Serramazzoni (MO) – vjedhja e pajisjeve bujqësore,
–Modena – dy traktorë bujqësorë me një vlerë 65,000 dhe 20,000 litra naftë,
Vjedhjet nga shqiptari janë bërë midis muajve Mars dhe Korrik 2016, ndërsa tani shqiptari po mbahet në burg, në Modena.
