Forcat izraelite kanë arrestuar dy udhëheqës të lartë të Hamasit në bastisjet brenda natës në Bregun Perëndimor të okupuar.
Yasser Mansour dhe Adnan Asfour u arrestuan kur forcat izraelite bastisën shtëpitë e tyre në Nablus në veri të Bregut Perëndimor, thanë burimet për AA.
Hamas, i cili qeveris Rripin e Gazës, më parë ka paralajmëruar për planet e Izraelit për të organizuar një fushatë arrestimi masiv kundër grupit të rezistencës përpara zgjedhjeve palestineze që do të mbahen këtë vit.
Muajin e kaluar, anëtarët e lartë Hamasit Hatem Naji Amr dhe Omar Barghouthi, për AA theksuan se ata ishin kërcënuar nga inteligjenca izraelite me burgim nëse garojnë në zgjedhjet e ardhshme.
Palestinezët planifikohet të votojnë në zgjedhjet legjislative më 22 maj, ato presidenciale më 31 korrik dhe për Këshillin Kombëtar më 31 gusht.
Zgjedhjet e fundit legjislative u mbajtën në vitin 2006, në të cilat Hamas fitoi shumicën.