Një alarm është ngritur në një qytet japonez, Saitama, pasi një vrasës maniak macesh është në kërkim. Një grua, pak ditë më parë, ka gjetur kokën dhe putrat e një maceje të vrarë brutalisht. Pjesët e mbetura të trupit të copëtuara u gjetën brenda një shkolle fillore në zonë. Në të njëjtin muaj pasuan edhe dy raste të tjera të ngjashme.
Ky lajm shkaktoi mobilizimin e menjëhershëm të autoriteteve, pasi ndonëse nuk ka të bëjë me vrasjen e njerëzve, ekziston një shqetësim i veçantë se autori mund të shkojë një hap më tej dhe të rrezikojë jetë njerëzish. Në fund të fundit, Japonia është përballur me raste të ngjashme krimesh në të kaluarën. Disa vite më parë, një autor tjetër filmoi abuzimin e kafshëve dhe martirizimin e tyre dhe i transmetoi ato në internet, ndërsa në vitet ’90 një 15-vjeçar që kishte kryer krime ndaj kafshëve në të kaluarën përfundoi duke vrarë dy 10-11-vjeçarë dhe plagosjen e tre të tjerëve.
Karakteristikë e trazirave që mbizotëron në komunitetin lokal, është se shkollat u kanë dhënë udhëzime mësuesve dhe pedagogëve që të shoqërojnë fëmijët në shtëpi dhe të ecin në grupe të mëdha. Në të njëjtën kohë, policia ka shtuar patrullimet.
Japonia ka ligje veçanërisht të rrepta në lidhje me abuzimin me kafshët. Autorët rrezikojnë deri në pesë vjet burg dhe gjobë deri në 33 mijë euro.
