Autoriteti i Mbikëqyrjes Financiare ka publikuar “Raportin Evropian të Aksidenteve”, dokument i cili përdoret në rast të shkaktimit të aksidenteve në trafikun rrugor.
Ky formular do të nënshkruhet nga drejtuesit e automjeteve që përfshihen në aksident dhe do të përdoret për dëmshpërblimin e shpejtë në rast të aksidenteve rrugore nëse ka dëme ndaj pronës, të cilat konsiderohen në vlerë deri 30 mijë lekë.
Ky dokument duhet të depozitohet brenda pesë ditëve nga data e aksidentit tek siguruesi përgjegjës.
Në rast se dikush ka humbur jetën apo është lënduar, duhet të njoftohen Institucionet Shëndetësore dhe Policia e Shtetit.