Presidenti i sapozgjedhur i SHBA Joe Biden do të emërojë Samantha Power-in si kreun e Agjencisë së Shteteve të Bashkuara për Zhvillim Ndërkombëtar (USAID).
Power është një ish-ambasadore e Shteteve të Bashkuara në Kombet e Bashkuara dhe një ish-këshilltare e ish-Presidentit Barack Obama për të drejtat e njeriut.
Ekipi i Biden-it tha se Power është një diplomate që është përballur me sfida dhe kriza të rëndësishme në karrierën e saj dhe e cila do të bashkëpunojë me sukses me partnerët amerikanë për t’u përballur me sfida të mëdha.
“Si udhëheqëse e USAID-it, ajo do të punojë me partnerët tanë për të luftuar pandeminë COVID-19, për të ndërtuar komunitete të pambrojtura, për të luftuar për vlerën e çdo qenieje njerëzore dhe për të avancuar idealet dhe interesat amerikane në të gjithë botën,” tha deklarata.
Samantha Power është një ish-gazetare dhe aktiviste e të drejtave të njeriut, e cila shërbeu si Përfaqësuese e Përhershme e SHBA-së në KB në vitet 2013-2017.
Ajo filloi karrierën e saj gazetare gjatë rrethimit të Sarajevës.
Ajo është e njohur për publikun botëror edhe për librin e saj të vitit 2003, “Problemet nga Ferri”, për të cilin fitoi Çmimin Pulitzer, libër i cili dënon Shtetet e Bashkuara për dështimin për të parandaluar shkeljet e të drejtave të njeriut në Bosnjë, Ruanda dhe pjesë të tjera të botës.
