Presidenti i ri i SHBA Joe Biden iu drejtua publikut amerikan me rastin e paraqitjes së një plani për të luftuar pandeminë e koronavirusit.
“Ne do të lëvizim qiellin dhe tokën për të vaksinuar sa më shumë amerikanë të jetë e mundur falas. Kjo pandemi nuk është nga dje, por ne do ta fitojmë atë. Ndihma po vjen. Plani im bazohet në shkencë, jo në politikë,” tha Biden në fillim.
“Deri më tani nuk kemi qenë në gjendje të mbështetemi në qeverinë federale, ajo nuk veproi urgjentisht, me fokusin dhe koordinimin që na duhet për të luftuar pandeminë, dhe pastaj ne paguam çmimin”, tha ai, duke shtuar se Amerika ka regjistruar midis 3,000 dhe 4,000 vdekje në javët e fundit nga koronavirusi çdo ditë.
Biden u bëri thirrje amerikanëve që të mbajnë maska për 99 ditët e ardhshme. “Veshja e maskave është bërë fatkeqësisht një çështje partie, por është një veprim patriotik,” tha ai.
Ai shtoi se mbajtja e maskave do të jetë e detyrueshme në çdo udhëtim midis shteteve të SHBA, dhe të gjithë pasagjerët që mbërrijnë në SHBA nga vendet e tjera do të duhet të jenë në karantinë pas mbërritjes.
Ai paralajmëroi se deri në muajin e ardhshëm numri i vdekjeve nga COVID në SHBA do të kalojë gjysmën e një milion.
