Gjatë mbledhjes së Komisionit të Ekonomisë dhe Financave është diskutuar raporti i Autoritetit të Konkurencës prezantuar nga Denar Biba.
Pas përfundimit të prezantimit, deputetja e PD Jorida Tabaku ngriti disa çështje në lidhje me konkurencën në treg dhe punën e Autoritetit të Konkurencës.
A mund të na shpjegojë, u shpreh Tabaku, kryetari i Autoritetit të Konkurencës nëse kemi një treg të lirë dhe të konkurueshëm në fushën e karburanteve, telefonisë celulare dhe ushqimeve?
Ndërsa u fokusua në detaj në lidhje me tregun e karburaenteve Tabaku ngriti shqetësimin se ndryshe nga sa pretendon qeveria se Fiskalizimi ka përfshirë edhe sektorin e hidrokarbureve, e vërteta sipas Gjykatës Kushtetuese, sipas saj, është se ky sektor nuk është i fiskalizuar.
Kam kërkuar, tek Ministria e Financave dhe Ekonomisë një raport për marzhin e fitimit të kompanive të karburanteve dhe nuk më ka ardhur ndërkohë që Ministrja Ibrahimaj është shprehur se fiskalizimi si proces është i implementuar plotësisht tek sektori hidrokarbureve. Vendimi i Gjykatës Kushtetuese, ndërkohë, i kërkon MFE që të implementojë fiskalizimin. Tani si mund ta kuptojmë ne këtë?
Më tej znj Tabaku theksoi se Autoriteti i Konkurencës nuk ka mbrojtur interesin publik në lidhje me dy projekte që janë debatuar në publik.
Debati mbi Portin e Durrësit që sipas letrave dhe shkëmbimeve publike me Komisionerin e Zgjerimit të BE, Varheleyi, kanë qenë në shkelje të konkurencës nuk morrën asnjë reagim nga Autoriteti Konkurencës. Së dyti, aeroporti i Vlorës që gjithashtu është shënjuar në Progres Raportin e BE si një kontratë në sheklje të konkurencës.Si ka mundësi,që juve nuk jeni shprehur në lidhje me dy projektet si Porti i Durrësit dhe Aeroporti i Vlorës ku edhe Bashkimi Europian është shprehur se është shkelur konkurenca dhe MSA?
Tabaku tha se eshte e shqetësuar për mungesën e reagimit të Autoritetit të Konkurencës në lidhje me Tenderat pa Garë dhe konkurimet fiktive në garat e hapura në fushën e prokurimeve publike.
