Kreu i nismës Thurje, Endrit Shabani, është shprehur se sipas tij, SPAK ka zbatuar dhe ka interpretuar drejt ligjin në lidhje me Berishën, për dosjen “Partizani” dhe akuzat për korrupsion ndaj tij.
I ftuar në “OPEN”, Shabani është shprehur ndër të tjera se “qytetari i zakonshëm merret e plaset në burg, në këtë rast Berisha ka imunitet”.
Gjatë një debati në studio me Luçiano Boçin dhe ish-kryeprokurorin Eugen Beçi, Shabani iu drejtua duke u thënë se ‘Keni merakun nëse kryeministri Edi Rama s’ka dhënë leje për arrestimin e Berishës’.
Pjesë nga debati:
Shabani: Unë nuk të ndërhyra. Kodi i ka dhënë mundësi prokuronit ti kërkojë gjykatës edhe kur Kuvendi nuk bie dakord. SPAK në këtë rast e ka zbatuar dhe e ka interpretuar drejt ligjin. Ne morëm ligjin dhe interpretuam në frymë. Do të thotë se prokurori, ligji, i jep prokurorit të drejtën që të vazhdojë punën. Në këtë thelb çfarë ndodh? SPAK në thelb… I ka thënë liri gjykatës të drejtën që liritë e individit të mos kufizohen nga prokurori por të kalohen në gjykatë. Nuk është se nuk ka pasur filtër. Filtri është gjykata. Qytetari i zakonshëm merret e plaset në burg, në këtë rast Berisha ka imunitet.
Gjithë meraku këtu është Rama s’ka dhënë leje për arrestimin e Berishës. Këtë merak keni ju? Ky është thelbi. Për këtë po ankoheni ju
Beçi: Kur janë të gjithë deputetë e Ramës…
Shabani: Ata nuk bëjnë politikë…
Beçi: Kudo që të rrotullohesh ti, politikë është.
Boçi: Ajo që ndodhia në Kuvend ishte për mbrojtjen e Kushtetutës. Nuk ka rëndësi produkti, është 50% e ligjit dhe demokracisë. Masa është kufizim, pasi i merret pasaporta. Nëse do kishte masë pa heqjen e pasaportës, do isha dakord. Por në këtë rast ka kufizim lirie. Gjykata mund të marrë një masë më të rëndë.
Beçi: Mosdhënia e autorizimit nuk e pengon prokurorin të kërkojë një tjetër masë. Neni 288 ka dhe një moment tjetër që Gjykata mund të arrestojë në flagrant.