“Ka dështuar Ministria e Arsimit”, Pedagogia Mirela Karabina: Mungesa e regjistrit në shkolla ka të bëjë me një proces korruptiv!

Pedagogia Mirela Karabina e ftuar në studion e “Fax News” ka folur për mungesën e regjistrave në të gjithë shkollat e vendit.

Gjatë fjalës së saj, Karabina theksoi se është skandaloze mungesa e këtij dokumenti zyrtar ndërsa ngre hije dyshimi për një proces korruptiv të tenderave.

“Nuk kam parë nga Ministria e Arsimit të na thotë pse kemi mungesë të një dokumentit zyrtar, mësuesi nuk mund të kuptohet pa regjistrin. Edhe vetë nxënësi e shikon seriozitetin për mësuesin së bashku me regjistrin.

Ndër vite javët e para është punuar me një regjistër provizor. Ai duhet të ruhet ndër vite ka përcaktim ligjore për këtë gjë, është një dokument që tregon si ka funksionuar, frekuentimi, vlerësimi. Serioziteti i fillimit të orës së mësimit, nëse nxënësi shikon që ka një neglizhencë të tillë, mendoni ju se ai do të jetë i përgjegjshëm në atë shkallë sa ta marrë me seriozitet? Jemi në gjysmë të vitit shkollor dhe nuk kanë ardhur akoma regjistrat. Ky është një tregtues i paaftësisë i ministrisë së arsimit, e cila nuk e ka menaxhuar këtë gjë. Plus kemi të bëjmë me një proces korruptiv, zakonisht ndër vite kur vonohen dëftesat apo regjistrat është thënë për vonesë të tenderit. Deri tani nuk kemi asnjë të dhënë pse ka munduar regjistri në shkollë. Pra jemi në fund të semestrit të parë dhe mësuesit kanë përdorur një letër bakalli duke mbajtur shënime për frekuentimin e nxënësve në shkollë, ne shikojmë përqindjen e oreëve që nxënësi merr pjesë në mënsim. Me ardhjen e regjistrave do të ketë abuzime në hedhjen e të dhënave.

Kjo pjesa e mos reagimit është në kornizën e shoqërisë tonë pasi ne nuk reagojmë për asgjë, edhe nxënësit duhet të reagojnë. Pati para disa ditësh një njoftim nga sindikata për një grevë që do të përshkallëzohej por më pas ka filluar të tërhiqen pasi janë nisur shpërndarja e regjistrave. Ky mos reagim tregon që strukturat në shoqëri demokratike duhet të funskionojnë, nëse sindikata nuk ka reaguar deri tani është një problematikë tjetër. Kanë përgjegjësi për të shpjeguar përse greva u tërhoq, fakti që po fillon shpërndarja e regjistrave ndaj u bë edhe tërheqja”, tha Mirela Karabina.