Mjeku i njohur, Pëllumb Pipero ka kërkuar nisjen e masave lehtësuese, pasi sipas tij është koha për të bërë një gjë të tillë. Në një lidhje direkte me emisionin “Open”, Pipero u shpreh se tashmë ka kaluar gjysma e parë e së keqes dhe se situata në Spitalin Infektiv është me e qetë.
“Situata në Infektim paraqitet komplekse. Ka nga ato pacientë që kanë problematikat e qëndrueshme por besoj se tashmë ka kaluar gjysma e të keqes së parë. Besoj se masat tani duhet lehtësuar pak. Por ky vendim i takon qeverisë.
Por besoj se fundi i prillit, fillimi i majit do na gjejë me ndonjë rast sporadik infektimi ose me 0 raste të reja infektimi. Prandaj duhet dhe pak durim”, u shpreh mjeku Pipero.
