Informacioni i rrjedhur nga shërbimet sekrete ukrainase për shëndetin e Ramzan Kadyrov ka pushtuar internetin ditët e fundit. Të enjten, përfaqësuesi i shërbimeve sekrete, Andrey Yusov, raportoi se lideri çeçen është shtruar në spital në gjendje shumë kritike, ndërsa dje u përfol se ai kishte rënë në koma, në një spital të Moskës, ku përshkruhej gjendja e tij si “e vështirë për t’u kthyer”.
Kadyrov i është përgjigjur kësaj të dielën në mëngjes, përmes një video të publikuar në kanalin e tij Telegram. Në të ai mohon raportet për sëmundje dhe shihet duke ecur në një rrugë (nuk dihet se ku) nën shi, ndërsa videoja shoqërohet me frazën ironike: “Unë këshilloj fuqimisht të gjithë ata që nuk mund të dallojnë të vërtetën nga gënjeshtrat në internet, që të bëjnë një shëtitje në ajër të pastër dhe të rregullojnë mendimet e tyre. Shiu është absolutisht freskues”.
Në të njëjtën kohë, Kadyrov tha se ai “tashmë ka ecur 11 kilometra”.
Kadyrov posted a video of himself after rumors stated that he was in a bad condition.
“I strongly advise everyone who cannot distinguish truth from lies on the internet to take a walk in the fresh air and put their thoughts in order. The rain is perfectly invigorating,” he said. pic.twitter.com/Gq2HfyTBLQ
— NOELREPORTS 🇪🇺 🇺🇦 (@NOELreports) September 17, 2023
