Në Kaliforninë veriore ekipet e shpëtimit tashmë kanë gjetur trupat e 14 viktimave të rritur dhe fëmijë, e për të cilët është raportuar se u gjetën të karbonizuar e të përqafuar mes vete.
Në mëngjes në këtë vend kemi gjetur disa viktima, në mesin e të cilëve fëmijë. Është e qartë se njiheshin ndërmjet vete, sepse u gjetën në grupe nga 3 njerëz, të cilët duket se deshën të mbronin njëri-tjetrin duke u përqafuar”, ka thënë një zjarrfikës.
Në zjarret e pyjeve ku u dëmtuan gati 7,000 ndërtesa, ndërsa 300 mijë njerëz u urdhëruan të evakuoheshin në të gjithë shtetin.
Është raportuar se numri i vdekjeve në zjarret e pyjeve në Kaliforni është rritur në 23.
Polici i Qarkut Butte Kory Honea, në deklaratën e tij për shtyp tha: ‘Përafërsisht 290 kilometra në verilindje të San Franciskos në Kaliforni, qytetin e Paradises dhe zonën përreth nën ndikimin e zjarrit 14 persona kanë humbur jetën, dhe humbja totale e njerëzve u rrit në 23, tha ai.
Zjarri më shkatërrues në historinë e shtetit, i cili filloi të enjten në malet Sierra Nevada, ishte zjarri më i madh në të cilin ndodhi në histori të Kalifornisë.
Zjarri vazhdoi të përhapet me efektin e erës në një sipërfaqe prej 404 kilometrash. Mbi 7 mijë ndërtesa në rajon, përfshirë edhe qytetin e Paradises, u dëmtuan për shkak të zjarreve.
Nga ana tjetër, një total prej 300 mijë njerëz u urdhëruan të evakuohen në mbarë krahinën për shkak të zjarreve që rrethojnë Malibin në perëndim të Los Anxhelosit.
