Kryeministri Edi Rama, teksa komentoi në mbledhjen e Grupit të PS-së arrestimin e Erion Veliajt dhe marrjen nën hetim të deputetes Klotilda Bushka, u shpreh se “kam një ngushëllim për veten time, i hymë detit në këmbë”.
Rama deklaroi morën përsipër të që të jenë në pushtet dhe t’i lënë brinjët në dispozicion të drejtësisë.
Por, kreu i qeverisë theksoi se nuk ka asnjë pishman për këtë, duke shtuar se “e vetmja pikëpyetje që kam është a do t’ia dalim ta bëjmë të pakthyeshne reformën në drejtësisë”.
Edi Rama: E fundit që kam është një ngushëllim për veten time dhe ju bashkë me mua që i kemi hyrë detit në këmbë dhe që është mirë ta ndaj me ju sepse i kemi hyrë detit në këmbë kur vendosëm të bëjmë një kthesë që të tjerët mbase kanë qenë më të zgjuar se ne, që nga viti 1912 nuk e kanë marrë përsipër, në vend i vogël me shumë lidhje, komshinj, kushërinjtë e interesa. Ne e kemi marrë përsipër të pavarësojmë pushtetin e drejtësisë nga ai politik, kemi marrë përsipër të jemi në pushtet dhe brinjët tia lënë në dispozicion drejtësisë.
Nuk kam asnjë pishman për këtë, e vetmja pikëpyetje që kam është a do tia dalim ta bëjmë të pakthyeshne reformën në drejtësi, që institucionet ta përdorin pavarësinë për të bërë drejtësi dhe jo politikë
