Kreu i PL, Ilir Meta ka reaguar në lidhje me zgjedhjet e 14 majt, ku në rrjete sociale shkruan se Kavaja do të jetë qyteti simbol i demokracisë dhe i ndryshimit.
Meta thekson se qyteti i Kavajës do të zgjedhë kandidatin Fisnik Qosja i cili ka dashuri dhe dëshirë për t’i shërbyer bashkëqytetarëve të tij.
“Kavaja do të votojë për planin e Fisnik Qoses, i cili ofron mbështetjen absolute për të rinjtë, zero taksa për çdo biznes që ata do të hapin, në mënyrë që të rinjtë ta ndërtojnë të ardhmen në qytetin e tyre”, shkruan ndër të tjera Meta.
Postimi i plotë:
Kavaja qyteti simbol i demokracisë do të jetë pas 14 Majit dhe qyteti simbol i Ndryshimit.
Kavaja do të zgjedhë një administrator të shkëlqyer si Fisnik Qosja, i cili në themel të punës së tij si kryebashkiak i ardhshëm ka dashurinë për qytetin e tij dhe dëshirën për t’ju shërbyer bashkëqytetarëve të tij.
Kavaja do të votojë për planin e Fisnik Qoses, i cili ofron mbështetjen absolute për të rinjtë, zero taksa për çdo biznes që ata do të hapin, në mënyrë që të rinjtë ta ndërtojnë të ardhmen në qytetin e tyre.
Sepse Kavaja u përket të rinjve, Shqipëria u përket të rinjve.
Bashkë🤝Fitojmë!✌️🇦🇱