Kandidati presidencial në Francë, Philippe Poutou, pohoi se policia vret deri në 15 të rinj nëpër lagje çdo vit.
“Po, ka dhunë policore. Policia vret, ne mund të flasim për arsyet. Vrasje, atentat, aksident ose vetëmbrojtje. Ne e dimë dhe ju e shihni këtë. Kur ne protestojmë, policia nuk na mbron, ne jemi të sulmuar”, tha Poutou, kandidati i Partisë së Re Antikapitaliste (NPA), për transmetuesin publik France Info.
Duke theksuar se policia gjithashtu plagos njerëz, Poutou tha: “Sa njerëzve iu prenë duart, iu dëmtuan fytyrat dhe u ndaluan pavarësisht se nuk bënë asgjë?”.
Ministri i Brendshëm francez, Gerald Darmanin, në një postim në llogarinë e tij në Twitter, tha se deklarata nga Poutou është fyese për policinë dhe njoftoi se ai do të paraqesë një ankesë kundër tij në emër të ministrisë në mënyrë që të mbrojë nderin e policisë.
Poutou mori 0,83 për qind të votave në raundin e parë të zgjedhjeve presidenciale të vitit 2017.
Rritja e dhunës policore kundër demonstruesve dhe njerëzve me prejardhje të ndryshme etnike nëpër periferi vitet e fundit është kritikuar nga organizatat e të drejtave të njeriut dhe ekspertët në vend.
Raundi i parë i zgjedhjeve presidenciale në Francë vitin e ardhshëm do të mbahet më 10 prill.
Nëse asnjëri nga kandidatët nuk arrin të marrë shumicën absolute në raundin e parë, dy kandidatët me më shumë vota do të garojnë në raundin e dytë që do të mbahet më 24 prill,
