Jill Stein, kandidate e Partisë së Gjelbër për zgjedhjet presidenciale të vitit 2024 në SHBA, kërkoi hetim për “krimet e luftës të kryera në Gaza” të kryeministrit izraelit, Benjamin Netanyahu.
Në një video që publikoi në platformën e rrjeteve sociale “X”, Stein njoftoi se është kandidate nga Partia e Gjelbër për zgjedhjet presidenciale të vitit të ardhshëm.
Duke e përshkruar presidentin e SHBA-së Joe Biden dhe udhëheqësit e tjerë si “partner të Netanyahut në krimet e luftës në Gaza”, Stein tha: “Ne bëjmë thirrje për një hetim mbi krimet e luftës të kryera nga regjimi i Netanyahut, si dhe rolin e Bidenit dhe udhëheqësve të SHBA-së në ndihmën dhe nxitjen e këtyre krimeve”.
Duke deklaruar se Netanyahu kreu “një krim lufte në vetvete” kundër palestinezëve, Stein tha: “Kjo situatë, në të cilën palestinezët janë të privuar nga uji, ushqimi dhe energjia elektrike, bombardohen brutalisht dhe detyrohen të largohen nga shtëpitë e tyre për të shpëtuar jetën e tyre dhe se ka arritur në nivel gjenocidi”.
Stein bëri thirrje për “përfundimin e bllokadës në Gaza, dërgimin e ndihmës humanitare dhe mjekësore, lirimin e pengjeve dhe të burgosurve politikë dhe ndalimin e pushtimit dhe racizmit”.
Stein, e cila konkurroi si kandidate e Partisë së Gjelbër në zgjedhjet presidenciale të vitit 2016 në SHBA, mori 1,4 milion vota.
Burimi: AA
