Home SHQIPERIA Kapen dy ton drogë në Itali

Kapen dy ton drogë në Itali

0

 
Policia italiane ka sekuestruar një sasi prej 2 tonë marijuane, e cila dyshohet se vinte nga Shqipëria. Gjatë operacionit në pranga ka rënë edhe një 19 vjeçar shqiptar nga Vlora, me iniciale R.R, ndërsa policia është në kërkim të 3 personave të tjerë, të cilët nuk iu bindën urdhrit për te ndalur dhe munden të arratiseshin në errësirë.
 
19-vjeçari ishte pa leje qëndrimi në vendin fqinj. Identiteti i tij u zbulua, pasi karta e identitetit iu gjet në një nga furgonet me të cilët transportohej droga.
 
Sipas mediave ne vendin fqinj, policia ka ndaluar 2 furgone ku u gjet e paketuar droga e ndare në 90 thasë, vlera e së cilës i kalon 20 milionë euro. Mjetet rezultojnë se janë marrë me qira.
 
Sipas hetuesve, ngarkesa e sekuestruar ka mbërritur në brigjet Ravenës nga Shqipëria. Mendohet se destinacioni i lëndës narkotike ishte Bolonja dhe Veneto, pasi në çdo thes droge janë gjetur gërma që korrespondojnë me destinacionin final.
 
Ndërkohë policia vijon hetimet për identifikimin dhe kapjen e 3 trafikantëve të tjerë.