POGRADEC
Janë sekuestruar 394 gramë kokainë gjatë ditës së sotme në Pogradec, ndërsa një i ri ka përfunduar në pranga si dhe një tjetër është shpallur në kërkim.
Sipas policisë, në pranga ka rënë Jurgen Papa, 24 vjeç, banues në Pogradec. Ndërkohë është shpallur në kërkim A.P. 26 vjeç, banues në Pogradec. Jurgen Papa së bashku me shtetsin A.P, qëlluan me armë zjarri në ajër. Policia gjithashtu sekuestroi 1 krëhër pistoletë me 9 fishekë.
Ndërkohë policia së bashku me grupin hetimor kanë nisur hetimet për dokumentimin e plotë të këtij rasti si dhe arrestimin e të kërkuarit.
(n.m/BalkanWeb)
