Kapja e dy të rinjve si pjesëtarë të grupit kriminal të drogës, ministri Balla: Pres më shumë goditje si kjo! Beteja kundër shitjes së lëndëve narkotike do të jetë luftë sistematike

Ministri i Brendshëm, Taulant Balla ka reaguar pas arrestimit të dy 2 të rinjve të shpallur në kërkim Migel Balla dhe Migen Kucaj, të akuzuar si pjesëtar të një rrjeti kriminal të drogës.

Balla në ‘Facebook’ shkruan se beteja kundër trafikut të drogës do të intensifikohet dhe do të jetë një ‘luftë sistematike’ për Policinë e Shtetit, duke vazhduar dhe me kontrollet kufitare.

Postimi i plotë:

Beteja kundër prodhimit, shitjes dhe trafikimit të lëndëve narkotike do të intensifikohet duke kaluar në një luftë sistematike në të gjithë territorin e vendit dhe pikat e kontrollit kufitar. Përgëzime Drejtorisë së Policisë & Prokurorisë Elbasan për operacionin e koduar ‘Rrjeti’. Pres më shumë goditje si kjo.

“”