Besimtarët shqiptarë të krishterë për shkak të koronavirusit u detyruan të luten brenda shtëpive të tyre, e të njëjtën gjë do të bëjnë edhe besimtarët myslimanë që nisin nesër Muajin e Shenjtë të Ramazanit.
Përmes një fjale të gjatë, kryeministri i vendit, Edi Rama vlerësoi të gjithë “tempujt fetarë” siç i quajti, të cilët iu bindën rregullit për karantnim në këto ditë të vështira që gjithë kombi po kalon. Sipas Ramës, veprimet e tyre i lartësojnë te Zoti.
“Faleminderit që nuk u shkëputën nga zinxhiri por mbajtën kycur tempujt. E kanë nderuar Zotin, iu përgjigjën nevojës jetike të Shqipërisë për të mos i hapur rrugë armikut të përditshëm. Ata u lutën nga shtëpitë e tyre. Tempujt do të rihapen nesër pa asnjë njollë, sepse ditë të mira paskëtaj do të vijnë”,– tha ai.
“Në këtë kohë kur ne jemi kyçur brenda rrethit të familjeve, janë kyçur edhe tempujt fetarë. Karantina sot na mundon poe edhe na bashkon, s’kam si të them që jetojmë në një kohë të bekuar, por di të them që pas vuajtjes vjen lehtësimi”,– shtoi ai.
Sipas kryeministrit: “E keqja ka ardhur me të mirat e saj. Sot është mundësia për të reflektuar se sa shumë kohë dhe mund na merr gërricja e të përditshmes dhe sa pak merremi me njerëzit që duhet të kemi pranë. Kjo është një kohë e mallkuar materialisht por e bekuar shpirtërisht”,- shtoi Rama.
Rama thumboi edhe opozitën dhe qytetarët që ankohen në facebook.
“Ne do ja dalim deri në fund, e Shqipëria që sot varet nga veprimet e secilit prej nesh nuk do turpërohet nga vdekjet që mund të shmangen.Ne do rrimë deri në fund në llogoret tona. Ata që humbasin durimin e shfryrjnë kundër rregullave sot ta mësojë nga shembuli i klerikëve shqiptarë se mjekësinë s’duhet ta dyshojmë e diskutojmë. Sot agjërimi do lehtësonte edhe gjuhëçartjen e atyre që ankohen në Facebook se populli po vdes për bukë”, tha Rama.