Karikaturisti Bujar Kapexhiu ka mbetur i zhgënjyer nga intervista e pak ditëve më parë, e Fatos Nanos.
Ai thotë se ajo intervistë ka qenë e pakëndshme për të gjithë qytetarët dhe Nano s’u tregua i mençur, pasi akuzoi Berishën e Metën për veprimtarinë e tyre ndër vite dhe vlerësoi Edi Ramën, për qeverisjen e tij.
“Beteja e 25 prillit do të jetë e ashpër. Problemi i vjedhjes së votave mund te jetë më i sofistikuar. Nanon e kam takuar për herë të parë kur kam firmosur në 10 intelektualët që e propozonin për president.
Jam i sigurt që edhe Fatos Nano ka arritur në konkluzionin që Edi Rama duhet të largohet.
Intervista e Fatos Nanos kanë tingëlluar jo të këndshme për qytetarët. E prisja ndryshe, atë Nanon liberal dhe të mençur.
Jam i pari që i kam bërë karikaturë Ramiz Alisë. Karikatura është qëndrimi im origjinal si qytetar, gazetar, artist dhe politikan”, thotë karikaturisti Kapexhiu.
Ndërsa Kim Mehmeti i Zeni.TV, than ë të njëjtin emision se mezi pret që më 25 prill të fitojë opozita, pasi në Tiranë aktualisht, sipas tij, drejtojnë antishqiptarët.
“Edi Rama s’do të bëhet kurrë politikan, por edhe piktor nuk u bë kurrë
Shpresoj të fitojë opozita më 25 prill, sepse edhe një mandat të jetë Rilindja në pushtet s’do jetë mirë
Shqipëria qëndron mbi batuta, u bëmë një popull që humori është ushqimi më i rëndësishëm.
Rilindja mohon vlerat dhe veçoritë kombëtare, që nga arkitektura, duke na bindur se sa më antishqiptar jemi, aq më shumë vlejmë.
Rama erdhi në pushtet pa premtuar asgjë dhe mbeti në pushtet vetëm duke sharë parardhësit e tij”, thotë analisti i familjes Berisha.
()
