Kartelet kineze kontrabandojnë në fshehtësi kenianët, të cilët i ftonin në Tajlandë me premtimin e punësimit dhe i detyronin me forcë të punonin në fabrika.
Në deklaratën e Ministrisë së Punëve të Jashtme të Kenias thuhet se kenianët, të cilët dërgohen në Tajlandë me postime të ndryshme pune, pasi u merren pasaportat dërgohen në një rajon në kufirin me Mianmarin për punën e premtuar.
Kenianët dërgohen në fabrika në Mianmar dhe punojnë nën urdhrat e grupeve të armatosura, thuhet në deklaratën e ministrisë.
Kenianët të cilët aplikojnë për punë të publikuara në platformat e mediave sociale si Facebook me shpresën për të marrë një rrogë dhe jetë më të mirë kanë mbetur atje sepse nuk mund të komunikojnë me askënd.
Njerëzit që detyrohen të punojnë në fabrikat e drejtuara nga kinezët janë në rrezik të vjedhjes së organeve dhe vdekjes.
Kenia, e cila ka arritur të shpëtojë 75 persona, përfshirë qytetarët e Ugandës dhe Burundit, ka njoftuar se aplikimet për këto reklama janë ende duke vazhduar pavarësisht paralajmërimeve shumë herë më parë.
Qindra mijëra njerëz punojnë në këtë sektor në Mianmar, ku prodhojnë kompanitë gjigante të tekstilit të SHBA-së.
Burimi: AA