Ministria e Jashtme italiane ka renditur disa grupe që vijnë nga vendet jo anëtare të Bashkimit Evropian dhe që nuk e kanë për detyrim t’u nënshtrohen kufizimeve për shkak të pandemisë. Këtu bën pjesë edhe Shqipëria.

Sipas njoftimit, nga kufizimet përjashtohen ata që: udhëtojnë për qëllime studimore për në dhe nga çdo destinacion; pavarësisht nga arsyeja, qytetarët e BE-së dhe anëtarët e ngushtë të familjeve të tyre  (bashkëshorti, partneri, fëmijët deri në 21 vjeç, prindërit bashkëjetues, anëtarët e tjerë të familjes të varur për arsye të aftësisë së kufizuar) lejohen të hyjnë në Itali; pavarësisht nga arsyeja, banorët e 14 vendeve jo të BE-së dhe Shengenit (Algjeria, Australia, Kanada, Gjeorgjia, Japonia, Mali i Zi, Maroku, Zelanda e Re, Ruanda, Serbia, Republika e Koresë, Tajlanda, Tunizia dhe Uruguai) lejohen të hyjnë në Itali.

Ky njoftim është i vlefshëm deri në datën 14 korrik.

Subscribe kanalin tonë në Youtube për të mos humbur asnjë video të re