Deputeti i Partisë Socialiste Pandeli Majko ka folur për shkeljen e ligjit nga zyrtarë të ndryshëm në politikë.

pandeli-majko-te-vasili-725x450

Ai u shpreh në emisionin “Open” se në Shqipëri ka korrupsion me “K” të madhe dhe drejtësia duhet të vërë dorë. Ai ngriti pyetjen nëse vetëm të majtët shkelin ligjin, duke u nisur nga rastet e arrestimit të disa zyrtarëve socialistë.

“Unë nuk po diskutoj emër, por një cilësi që bazohet në një lloj matematike. Nuk është parë ndonjë kufizim që thotë që SPAK është krijuar të diskutojë vetëm dosjet e viteve të qeverisjes së PS, por për një gamë më të gjerë dhe të shmangë atë që në publik po godet politika shqiptar dhe që e ka sjellë në fazën më të keqe.

As në ’97 nuk ka qenë drejtësia kështu për fatin e vet të mirë dhe për fatin e vet të keq drejtësia mund të jetë një lloj opozitë. Në Shqipëri nuk është më politika e viteve ’90. Në Shqipëri është krijuar lobi i djemve të varfër me lekë që sot zotërojnë shuma të jashtëzakonshme dhe sot kanë krijuar interferenca dhe politika duhet të ballafaqohet me këto. Ka disa korrupsione me “K” të madhe për të cilat drejtësia duhet të vërë dorë. Nuk po them që jo majtas, por pyetja që shtroj unë është vetëm të majtët e shkelin ligjin”, deklaroi ai.

“”

Subscribe kanalin tonë në Youtube për të mos humbur asnjë video të re