DURRËS –Artistë të qytetit të Durrësit dhe disa artistë nga Tirana kanë zhvilluar një “skeptakël” në oborrin e pallatit të tyre.
Violinistët babë e bir,- Enver dhe Marvin Qerimaj, mjeshtrat e humorit Edmond Halili dhe Xhevahir Zeneli, këngëtarët durrsakë Alma dhe Gugash Rrema, Lorenc Barometa, Kosta Bonshi, mjeshtrat e muzikës kombëtare Eranda Libohova dhe Kujtim Prodani, pedagogu i Akademisë së Arteve Dashamir Mehmeti, etj, me foni nga Orges Istrefi i Pallatit të Kulturës “Aleksandër Moisiu” Durrës, me iniciativën dhe organizimin e poetit dhe moderatorit tv Ardi Omeri, me mbështetjen e kryeministrit Edi Rama, Ministrisë së Punëve të Brendshme dhe Drejtorisë së Policisë së Qarkut Durrës, me mbështetjen dhe suportin e Kryetarit të Bashkisë Durrës, zotit Xhulien Varfaj, Policisë Bashkiake dhe Qendrës Kulturore “Aleksandër Moisiu”, organizuan sot në lagjen 16 Durrës, në mes të pallateve parafabrikat, një koncert live.
Koncerti u mirëprit nga qytetarët që kënduan dhe kërcyen nga shtëpiat e tyre bashkë me artistët.
Nesër në orën 17:00, koncerti do të ‘spostohet’ në lagjen 18 në sheshin para pallateve pas stadiumit ndërsa të dielën po në të njëjtën orë, festa do të bëhet tek pallatet e reja tek zona e shëtitores “Taulantia” edhe ne ditet e javes.
(d.k./dosja.al)
