Sot gjykata e Kukësit ka shqyrtuar kërkesën ndaj Fjolla Morinës.
Gjykata ka vendosur dërgimin për gjykim të çështjes në ngarkim të Morinës, e akuzuar për trafikim armësh dhe municionesh Në të njëjtën seancë Gjykata e Kukësit ka vendosur pushimin e ndjekjes penale të Fisnik Sylës dhe Fitim Mujit.
Burime bëjnë të ditur se këngëtarja, e përfaqësuar nga avokatja e saj Aurora Guska i ka kërkuar gjykatës që çështja në ngarkim të saj të gjykohet me gjykim të shkurtuar pasi situata mund të zgjidhet në themel në gjendjen që janë në aktet.
Edhe në seancën e sotme, Morina, në deklarimin e saj para trupit gjykues është shprehur se armën nuk e ka pasur për qellim trafikimi e as për fitim duke i qëndruar deklaratave të saj të dhëna me parë.
Këngëtarja vazhdon të jetë në arrest shtëpie, në qytetin e Kukësit.
