Nëna e 19 vjeçarit që u ekzekutua në Shkodër, Erjon Xhenje, Elvira Xhenje ka kërkuar drejtësi dhe mbrojtje nga shtetit për familjen e saj.

 

Përmes një mesazhi të shpërndarë për mediat, ajo shprehet se djali i saj i ndjerë ka qenë student filozofie, dhe nuk ka qenë i përfshirë në ngjarje kriminale.

 

Elvira Xhenje ka kërkuar drejtësi për djalin e saj, që siç pretendon ajo është vrarë pa të drejtë.

 

“Jam Elvira Xhenje ,nëna e të ndjerit Erjon Xhenje, të riut që u vra në Shkodër me dt 18 ,09,2022.Vrasja e djalit tonë ka qenë një tronditje e madhe për familjen tone, por jo vetëm. Dhimbjen për djalin tim e kam parë në sytë e gjithë prindërve që në sytë e mi kanë parë veten e tyre, sesi një fëmije të pafajshëm i merret jeta me pa të drejtë.

 

Dhimbjen  për Erjonin e kam parë në sytë e të rinjve që e kuptojnë sesa e pasigurtë dhe e pa vlerë është jeta në Shqipëri. Fatkeqësia e djalit tim ishte se kushërinjtë e tij janë me precedentë penale. Ky fakt i dha të drejtën dorës kriminale që t’ia marrë pa mëshirë jetën djalit tim. Ky fakt i dha të drejtë portaleve që ta godasin për herë të dytë Erjonin duke cënu dinjitetin e tij me informacione të pavërteta dhe duke trazu shpirtrat e familjareve sërish.

 

Erjon Xhenje ka qenë student i degës fizioterapi. Ka qene një i ri me angazhime në jetën personale dhe shoqërore. Erjoni është  eduku me vlera dhe i ka manifestu në familje dhe në  rrethin e tij të pastër shoqëror. Kërkoj nga shteti drejtësi për djalin tim. Kërkoj gjithashtu që familja ime të merret në mbrojtje pasi ndihemi të pambrojtur. Erjoni ka qene një djalë besimtar. Jam e sigurte që ai është lule në xhenet. Allahu e pastë në mbrojtje pasi në këtë jetë ka padrejtësi”, thuhet në reagimin e saj.

 

Subscribe kanalin tonë në Youtube për të mos humbur asnjë video të re