Ilir Kulla, këshilltari aktual i presidentit Ilir Meta, rezulton të jetë përfshirë në një lidhje me ish-depuitetin Italian, ku është paguar për të bërë fushatë për rrëzimin e qeverisë Rama në vitin 2017.
Ish-deputeti Segio de Gregorio, sipas Il Fatto Qutidiano shkruan në vitin 2017 financoi aktivitin e Ilir Kullës, një diplomat i lartë nga Tirana, i cili i caktoi ish-senatorit detyrën e “organizimit të një fushatë denigruese kundër qeverisë shqiptare”, si një përpjekje për të rrëzuar pushtetin e udhëhequr nga kryeministri Edi Rama.
Pikërisht bëhet lidhje dhe për lajmin e publikuar tre vite më parë dërgimin e 1400 kontenirëve me plehra nga Italia në Shqipëri që shkaktoi tronditje në politike shqiptare.
Mbetjet toksike të publikuar nga media italiane parashikoheshin te niseshin drejt vendit tonë për t’u groposur në Shqipëri. Por prokuroria e vendit fqinj zbulon skandalin se kush fshihej mbrapa. Prokuroria italiane nga hetimet që ka bërë ka zbuluar se pas skandalit qëndron këshilltari i presidentit të sotëm Ilir Meta. “Lajmi u sajua me porosi të këshilltarit të Ilir Metës” kështu shkruan prokuroria italiane.
Fushata denigruese nisi në 2017-ën dhe asokohe u mbështet edhe nga opozita shqiptare. Këshilltari i Ilir Metës ka qenë në Itali në 26 shkurt, ndërsa 2 ditë më pas faqja “Pianeta Italia News” botoi lajmin e rremë.
Mes tetë personave të arrestuar në Itali për këtë skandal është edhe ish-senatori Sergio de Gregorio, pronar i faqes online “Pianeta Italia News”, që prodhoi lajmin e rremë. Prokuroria deklaron se “Njeriu i Ilir Metës porositi fushatë kundër qeverisë shqiptare”.
Gazeta italiane shkruan se ndër të tjera, Kulla është këshilltari politik i presidentit aktual të Republikës, Ilir Meta, një faktor që rrezikon të krijojë siklet të konsiderueshëm në strukturat politike të shtetit të Ballkanit. Emri tij del nga letrat e operacionit “Planet Italy” që çoi në nëntë masa paraprake. Ish-anëtari i i Senatit, i njohur për kontributin, në vitin 2008, në rënien e qeverisë Prodi, falë lëvizjes së tij në Forza Italia, akuzohet për zhvatje, pastrim parash dhe vetë-pastrim. Për politikanin shqiptar, De Gregorio do t’i kishte paguar shumën prej 30,000 eurosh.
