Ish kandidati për kryetar të partisë Demokratike, Fatbardh Kadilli ka reaguar në lidhje me qëndrimin që duhet të mbahet për ish-kryeministrin Sali Berisha.
Këtë javë pritet që kryesi e PD të mblidhet dhe të vendosë në lidhje me praninë dhe mandatin e Sali Berishës si deputet.
Duke qenë kështu, janë shtuar edhe presionet ndaj kryetarit Lulzim Basha, të cilit i kërkojnë të mbajë një qëndrim dhe të distancohet nga Sali Berisha.
Kadilli është një prej të cilëve e ka kërkuar këtë gjë. Nëpërmjet një statusi në nrrjetin e tij social, Kadilli i ka kërkuar Bashës që të flasë dhe ka bërë thirrje që e ardhmja e PD-së nuk duhet të jetë “non-grata”.
Postimi i Plotë i Fatbardh Kadillit
E ardhmja e PD-së nuk duhet të jetë “non grata”
PD duhet të ketë një qëndrim të qartë në raport me ish kreun e saj Sali Berisha. Nuk mund të presim vendime surprizë apo të minutës së fundit për një çështje që lidhet me fatin dhe të ardhmen e PD-së. As nuk mund të zvarritemi pa bërë asgjë.
Berisha e ka bërë të qartë që fatin e PD-së do ta mbaj lidhur me fatin e vet “non grata”. Basha nuk flet duke e lënë partinë në kryqëzime të rrezikshme politike.
Eshtë momenti të flasë partia çfarë qëndrimi ka për ish kryetarin “non grata”. Kjo është detyrë e Kryesis dhe e Grupit Parlamentar. Për secilin koleg, është nder të ulesh në karriken e kryesisë dhe të deputetit, por së pari është përgjegjësi.
Keni në dorë të merrni një vendim historik. Luhet fati dhe e ardhmja e Partisë Demokratike që nuk duhet të jetë “non grata”.
në Facebook, klikoni Join Group
…
/faxweb
