Ambasadorja amerikane Yuri Kim është takuar ditën e sotme me ambasadorin e Bashkimit Evropian në Shqipëri, Luigi Soreca. Në Twitter, diplomatja amerikane ka publikuar një foto në të cilën ajo dhe Soreca duken të qeshur.

Bashkë me foton, Kim shkruan se dy ambasadorët kanë shumë sfida përpara, si implementimi i Reformës në Drejtësi, zgjedhjet e 25 prillit dhe anëtarësimi i vendit në BE. Por, ajo shton se një gjë është e sigurt: Kim dhe Soreca bien dakord që mbështetja SHBA-BE për Shqipërinë është më e fortë se kurrë.

Shumë sfida para nesh – zbatimi i Reformës në Drejtësi, zgjedhjet e 25 prillit,  oferta e Shqipërisë për në BE – por një gjë është e sigurt: Luigi Soreca dhe unë pajtohemi që bashkëpunimi i SHBA dhe BE në mbështetje të Shqipërisë është më i fortë se kurrë!,”-shkruan Kim.