Skip to content

Kina do të vendosë sanksione ndaj Pelosit për shkak të vizitës në Tajvan

Ndajeni këtë artikull me të tjerë duke klikuar ikonat më poshtë

Kina njoftoi se do të vendosë sanksione ndaj Kryetares së Dhomës së Përfaqësuesve të SHBA-së, Nancy Pelosi, e cila vizitoi Tajvanin, të cilin Pekini e konsideron si territorin e saj “të shkëputur”.

Ministria e Jashtme tha në një deklaratë se Pelosi këmbënguli për të vizituar Tajvanin pavarësisht shqetësimeve dhe kundërshtimeve të Kinës dhe se kjo sjellje ishte ndërhyrje në punët e brendshme të Kinës dhe cenon sovranitetin dhe integritetin e saj territorial.

Në deklaratë thuhet se vizita ishte shkelje e parimit “Një Kinë” dhe minon paqen dhe stabilitetin në Ngushticën e Tajvanit.

“Në përgjigje të provokimit keqdashës të Pelosit, Kina ka vendosur ta sanksionojë atë dhe anëtarët e familjes së saj sipas ligjit”, thuhet në deklaratë.

Deklarata nuk dha informacione për përmbajtjen e sanksioneve.
Burimi: AA

Ndajeni këtë artikull me të tjerë duke klikuar ikonat më poshtë