Një gjykatë e Stambollit të hënën dënoi Adnan Oktar, kreun e një kulti që konsiderohet si një organizatë kriminale nga prokurorët, me disa burgime të rënda.
Ai ishte midis 236 të pandehurve në gjyq që nga shtatori 2019 dhe ishte përballur me një larmi akuzash, nga spiunazhi te abuzimi seksual. Për të gjitha akuzat, ai u dënua me 1,075 vjet. 78 persona, përfshirë udhëheqësin e kultit, ishin në paraburgim.
64-vjeçari Oktar dhe dhjetëra ndjekës të tij u arrestuan në sulmet e njëkohshme mbarëkombëtare në 2018. Një aktakuzë me 499 faqe portretizon atë dhe të tjerët si një bandë kriminale që lulëzon për shantazhe, zhvatje, pastrim parash dhe një varg krimesh të tjera.
Ndër akuzat më serioze janë përpjekja për spiunazh politik dhe ushtarak, tortura, rrëmbime, përgjime të paligjshme, mashtrime, kërcënime, vrasje në tentativë dhe falsifikime, si dhe abuzime seksuale.
Gjykata i dha Oktarit një total prej 1,075 vjet e tre muaj burg mbi akuzat e themelimit dhe udhëheqjes së një organizate kriminale, spiunazh politik ose ushtarak, abuzimin seksual të të miturve, abuzimin seksual, heqjen e lirisë e një personi, tortura, shqetësim i së drejtës për arsimim, regjistrim të të dhënave personale dhe kërcënime.
Tarkan Yava?, një nga të pandehurit, mori një dënim me burg 211-vjeçar si anëtar ekzekutiv i grupit, abuzim seksual i një të mituri, abuzim seksual, deklarim të rremë të pasurisë dhe kryerje të falsifikimit të dokumenti zyrtar. Oktar Babuna, një i pandehur tjetër, u dënua me 186 vjet.
Prokurorët thonë se banda që ai drejtonte ishte përfshirë në një skemë rekrutimi që nga fundi i viteve 1990 dhe kjo përfshinte “larjen” e trurit të grave të reja. “Organizata përdori anëtarët e saj të bukur për të mashtruar vajza dhe gra të reja. Ata anëtarë përdhunuan ose abuzuan seksualisht dhe u shantazhuan fillimisht nga anëtarët duke pretenduar se punët e tyre ishin regjistruar në video. Ata gjithashtu u lanë trurin me pretekstin e mësimeve fetare,” thonë prokurorët në aktakuzë.
Adnan Oktar, bëri emër në vitet 1980 kur fitoi ndjekës midis studentëve të universitetit, kryesisht fëmijë të elitës së pasur. Gjatë asaj periudhe, ai u arrestua një herë për promovimin e një revolucioni teokratik. Pas një pune në një institucion mendor dhe librash nën emrin, Harun Yahya, Oktar zgjeroi kultin e tij në vitet 1990 përmes Fondacionit të Kërkimit Shkencor, të cilin ai themeloi kryesisht për të promovuar librat e tij anti-evolucion.
Në mbrojtjen e tij të fundit në seancë, Oktar hodhi poshtë prerazi akuzat kundër tij. Ai ka mohuar akuzat për abuzim seksual, duke pretenduar se kishte “afër 1000 të dashura” dhe kishte një “dashuri të tejmbushur për gratë”.
Një nga gratë në gjyqin e tij, e identifikuar vetëm si CC, i tha gjykatës se Oktar kishte abuzuar në mënyrë të përsëritur seksualisht me të dhe gratë e tjera. Disa nga gratë që ai kishte përdhunuar u detyruan të marrin pilula kontraceptive.
I pyetur rreth 69,000 pilula kontracepsioni të gjetura në shtëpinë e tij nga policia, Oktar tha se ato ishin përdorur për të trajtuar çrregullime të lëkurës dhe parregullsi të menstruacioneve.
/faxweb
