Kishin mbushur Nissani-n dhe Benz-in me emigrantë të paligjshëm, arrestohen dy persona në aksin Përmet-Tepelenë

auto_emigrante1594277913.jpg

Ndajeni këtë artikull me të tjerë duke klikuar ikonat më poshtë

Policia e Gjirokastrës ka vënë në pranga ditën e sotme dy persona, të cilët u kapën me 13 emigrantë të paligjshëm në aksin Përmet-Tepelenë.

Bëhet fjalë për shtetasit me inicialet Y.Ç., 52 vjeç, dhe S.M., 49 vjeç, të dy banues në Tepelenë. Ata po udhëtonin me mjete tip Nissan dhe Benz.

Njoftimi:

Gjirokastër

Goditet një tjetër rast i dhënies ndihmë për kalim të paligjshëm të kufirit, kundrejt fitimit.

Vihen në pranga dy shtetas, që u kapën duke transportuar emigrantë të paligjshëm, kundrejt fitimit.

Sekuestrohen dy automjete dhe 4 aparate celular.

Nga specialistët e Seksionit për Trafiqet e Paligjshme në DVP Gjirokastër, pas informacioneve të siguruara në rrugë operative u arrestuan në flagrancë shtetasit Y. Ç., 52 vjeç dhe S. M., 49 vjeç, banues në Tepelenë.

Shtetasit Y. Ç. dhe S. M., u kapën në aksin rrugor Përmet-Tepelenë, në vendin e quajtur Ura e Dragotit, duke transportuar me automjetet tip “Nissan” dhe “Benz”, 13 emigrantë të paligjshëm nga vendet e treta, në drejtim të Tiranës, kundrejt fitimit.

Në cilësinë e provës materiale u sekuestruan dy automjet dhe 4 aparate celular.

Materialet në ngarkim të shtetasve të mësipërm i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.

(E.H/Faxweb.al)

/faxweb

Ndajeni këtë artikull me të tjerë duke klikuar ikonat më poshtë