Një 47 vjeçar është arrestuar ditën e sotme në Shkodër pasi ishte shpallur në kërkim prej gushtit të vitit të kaluar. I arrestuari, shtetasi Arian Luka, kishte marrë një sipërfaqe toke bujqësore me qera të cilën e përdorte për të kultivuar bimë narkotike të tipit “kanabis”.
Njoftimi i Plotë:
Velipojë, Shkodër
Vijon puna për kapjen e personave të shpallur në kërkim.
Kapet dhe vihet në pranga një shtetas i shpallur në kërkim për veprën penale “Kultivimi i bimëve narkotike”.
Shërbimet e Stacionit të Policisë Velipojë, në vijim të punës për kapjen e personave në kërkim, bazuar dhe në informacionet e siguruara në rrugë operative, bënë kapjen dhe ndalimin e shtetasit të shpallur në kërkim A. L., 47 vjeç, banues në fshatin Gomsiqe, Velipojë.
Për këtë shtetas, Prokuroria e Rrethit Gjyqësor Shkodër ka nxjerrë urdhër ndalimi për veprën penale “Kultivimi i bimëve narkotike”, pasi dyshohet se në gusht të vitit 2021, ka kultivuar bimë narkotike në një sipërfaqe toke bujqësore që kishte marrë me qira, në fshatin Gomsiqe e Re, Velipojë.
Materialet iu referuan Prokurorisë së Rrethit Gjyqësor Shkodër, për veprime të mëtejshme.
në Facebook, klikoni Join Group
…
/faxweb
