Në një restorant në Selanik, kuzhinieri, një shtetas shqiptar, është goditur me thikë nga një klient, pas një debati që patën mes tyre. I plagosuri është dërguar në spital për ndihmë mjekësore.
Sipas mediave greke, gjithçka ka ndodhur rreth orës 17:00 të së dielës, kur për arsye ende të paditura, klienti i restorantit ka debatuar me kuzhinierin shqiptar dhe më e ka goditur me thikë në stomak dhe është larguar.
Ende nuk janë të qarta rrethanat në të cilat mbeti i plagosur kuzhinieri, por më pas nga policia u konstatua se bëhej fjalë për një vepër penale.
Autori, i paidentifikuar, po kërkohet nga policia.
