Kryebashkiaku i Vlorës Dritan Leli i është përgjigjur përmes një postimi në facebook, aludimeve të disa mediave të cilat kanë shfaqur një video ku pretendojnë se Leli po zhvillon një bisedë me kunatin e kryedemokratit Lulzim Basha.
Kryebashkiaku thekson se kjo është e pavërtetë, dhe rezulton një skenar i qëndisur pasi prsoni me të cilin ai po shkëmben një bisedë në video-n e publikuar është pedagogu vlonjat Idlir Dervishi.
Postimi i plotë: Për të gjithë ata që nxjerrin çfarë duan e nuk shohin çfarë nxjerrin, me gjithë skenarët e qëndisur, më duhet të them se në videon e publikuar nga media, ndërkohë që është duke u zhvilluar Asambleja Kombëtare e Partisë Socialiste, jam duke biseduar me inxhinierin e pedagogun vlonjat Idlir Dervishi, në oborrin e Akademisë së Arteve, pranë Universitetit Politeknik, ku Idliri punon! Kunatin e Lulit, as nuk e kam parë, as nuk e kam takuar ndonjëherë në jetë.
Për t’ju bashkuar faqes sone në Facebook, klikoni like
loading…
/faxweb
