Është liruar nga burgu shtetasi, Erion Peti i cili prej muajsh ishte i arrestuar për trafikim ndërkombëtar të lëndëve narkotike. Ai u arrestua së bashku me shtetasin Klajdi Xibraku. Në kontejnerin e kompanisë u sekuestruan 134 kg kokainë te paketuara dhe të stampuara me profilin e Pablo Eskobarit. ka qene gjygntarja e apelit Durres Anita Mici e cila ka pranuar kerkesën e avokates se Petit, duke e lënë pa asnjë masë shtërnguese. Nderkohë të njëjtën rrugë ligjore pritet të ndjekë edhe i arrestuari tjetër, shtetasi Klajdi Xibraku.

OPERACIONI I ARRESTIMIT

Si rezultat i operacionit, gjatë kontrollit të imtësishëm të ushtruar në një kontenier të ngarkuar me banane, i cili ishte nisur nga porti i GUAYAQUIL në Ekuador dhe kishte kaluar tranzit në portin “GIOIA TAURO”, Itali​, me destinacion Shqipërinë, për llogari të një firme me qendër në Tiranë, me administratorë shtetasit Erjon Peti dhe Klajdi Xibraku, shërbimet policore dhe ato doganore gjetën të fshehura në tavanin e kontenierit​, pako të mbushura me lëndë narkotike të dyshuar kokainë me peshë totale 143 kilogramë.

​Në vijim të veprimeve, nga Seksioni për Hetimin e Narkotikëve në DVP Durrës u arrestuan në flagrancë shtetasit Klajdi Xibraku, 30 vjeç dhe Erjon Peti, 42 vjeç, të dy banues në Tiranë.

​Nën drejtimin e Prokurorisë së Rrethit Gjyqësor Durrës vijon puna për dokumentimin e plotë të kësaj veprimtarie kriminale dhe kapjen e autorëve të tjerë të përfshirë në këtë veprimtari kriminale.

në Facebook, klikoni Join Group

/faxweb