Një 20 vjeçar shqiptar është vënë në prangat e policisë italiane pasi është kapur me lëndë narkotike. Shqiptari kishte në banesë mbi 2 kilogramë kokainë, të vendosura në mbështjellës të ndryshëm të mbyllur, 2 kilogramë hashash të ndarë në 20 shkopinj dhe disa doza marihuana.
Sipas policisë prej ditësh I riu është mbajtur nën vëzhgim për shkak të informacioneve që kishin grumbulluar për të.
Pas disa orësh lëvizjeje, karabinierët hynë në shtëpi, ku u sekuestrua droga si dhe dy kilogramë lëndë prerëse, 2 peshore precize dhe një makinë vakum me thasë përkatëse.
Gjithashtu u sekuestruan 2320 euro në kartëmonedha 20 dhe 50 euro, të konsideruara nga karabinierët si të ardhura të trafikut të drogës.
