Një senator kolumbian që kandidon për t’u bërë presidenti i ardhshëm i vendit është qëlluar dhe është në gjendje kritike. Incidenti i rëndë ndodhi në një tubim fushate në Bogota, thanë autoritetet.
Senatori Miguel Uribe Turbay, 39 vjeç, ishte shënjestra e sulmit gjatë një eventi fushate në një park në zonën Fontibon të kryeqytetit kolumbian, sipas zyrës së prokurorit të përgjithshëm.
#Ultimahora| precandidato a la presidencia de Colombia Miguel Uribe es atacado con disparos durante un discurso que daba en la ciudad de Bogotá. pic.twitter.com/4RP3f5LQx2
— Perspectiva (@Perspectiva503) June 8, 2025
Ai pësoi dy plagë me armë zjarri dhe u pa i mbuluar me gjak ndërsa ndihmësit dhe njerëzit në turmë e ndihmuan.
Sipas një raporti mjekësor, ai u në spital në “gjendje kritike” dhe ende po i nënshtrohet “procedurave neurokirurgjikale dhe vaskulare periferike”.
哥伦比亚右翼总统候选人Miguel Uribe Turbay在哥伦比亚波哥大的一次竞选活动中被枪杀，情况严重。
洛杉矶5年以后就会这样。
— PW (@Unicorn8kWu) June 8, 2025
Uribe Turbay, i cili njoftoi kandidaturën e tij presidenciale për Partinë Demokratike të Qendrës të krahut të djathtë në mars, shoqërohej nga një ekip prej 21 personash në kohën e të shtënave, tha zyra e tij, përfshirë këshilltarin Andres Barrios.
Babai i tij, një gazetar, u rrëmbye dhe u vra në vitin 1991 gjatë një prej periudhave më të dhunshme në historinë e Kolumbisë. Gruaja e tij, Maria Claudia Tarazone, shkroi në X se ai po “luftonte për jetën e tij” dhe u bëri thirrje kolumbianëve të luteshin për të.
Partia e tij e përshkroi atë si një “akt të papranueshëm dhune”, ndërsa Sekretari i Shtetit i SHBA-së Marco Rubio e dënoi atë në “termat më të forta të mundshme”.
Duke shkruar në X, Z. Rubio i bëri thirrje gjithashtu presidentit aktual kolumbian Gustavo Pedro që të “zvogëlojë retorikën nxitëse dhe të mbrojë zyrtarët kolumbianë”.
Ish-presidenti kolumbian Alvaro Uribe, i cili nuk është i lidhur me Uribe Turbay, tha se sulmuesi “sulmoi shpresën e vendit, një burrë, bir, vëlla dhe koleg të shkëlqyer”. /tesheshi.com/